૯. કમ્મપટિબાહનસિક્ખાપદવણ્ણના

૪૭૪. ‘‘ધમ્મિકાનં કમ્માન’’ન્તિ (પાચિ. ૪૭૫) વચનતો એકચ્ચે ભિક્ખૂ ધમ્મિકાનં કમ્માનં ‘‘છન્દં દમ્મી’’તિ છન્દં દેન્તિ, તં તેસં મતિમત્તમેવ, ન પટિપત્તિ. અધમ્મં નિસ્સાય ખિય્યતિ, તં વા ઉક્કોટેતિ, અનાપત્તિ નેવ હોતીતિ? ન, તથા છન્દદાનકાલે અકત્વા પચ્છા અધમ્મકમ્મખિય્યનાદિપચ્ચયા અનાપત્તિવારે વુત્તત્તા. અધમ્મેન વા વગ્ગેન વા ન કમ્મારહસ્સ વા કમ્મકરણપચ્ચયા આપત્તિમોક્ખકરણતો અવિસેસમેવ તથાવચનન્તિ ચે? ન, છન્દદાનકાલે અધમ્મકમ્મકરણાનુમતિયા અભાવતો, કારકસ્સેવ વજ્જપ્પસઙ્ગતો ચ. ગણસ્સ દુક્કટન્તિ ચે? પારિસુદ્ધિછન્દદાયકાવ તે, ન ગણો અકમ્મપ્પત્તત્તા, પરિવારેપિ (પરિ. ૪૮૨ આદયો) કમ્મવગ્ગે કમ્મપ્પત્તછન્દદાયકા વિસું વુત્તા. તથાપિ અધમ્મકમ્મસ્સ છન્દો ન દાતબ્બો દેન્તે અકપ્પિયાનુમતિદુક્કટતો. તત્થ હિ યોજનદુક્કટતો ન મુચ્ચન્તીતિ નો તક્કોતિ આચરિયો.

કમ્મપટિબાહનસિક્ખાપદવણ્ણના નિટ્ઠિતા.