૭. સંવિધાનસિક્ખાપદવણ્ણના

૪૧૨. ‘‘તેન ખો પન સમયેન અઞ્ઞતરા ઇત્થી’’તિ ચ પાઠો અત્થિ, કેસુચિ નત્થિ. નત્થિભાવો સુન્દરો ‘‘તેન ખો સમયેના’’તિ અધિકારત્તાતિ કેચિ. ઇધ એકતોઉપસમ્પન્ના, સિક્ખમાના, સામણેરીતિ ઇમાપિ તિસ્સો સઙ્ગહં ગચ્છન્તિ. ઇમાસં પન સમયો રક્ખતિ, અયમિમાસં, માતુગામસ્સ ચ વિસેસો.

૪૧૪. અપિચેત્થ ‘‘વિઞ્ઞૂ પટિબલા’’તિ વચનતો અપ્પટિબલા અનાપત્તિવત્થુકાતિ એકે, તં ન યુત્તં દુક્કટવત્થુકત્તા. ‘‘ભિક્ખુ સંવિદહતિ, માતુગામો ન સંવિદહતિ, આપત્તિ દુક્કટસ્સા’’તિ હિ વુત્તં. તથા હિ ઉપપરિક્ખિતબ્બં.

સંવિધાનસિક્ખાપદવણ્ણના નિટ્ઠિતા.