૯. દુટ્ઠુલ્લારોચનસિક્ખાપદવણ્ણના

૭૮-૮૦. ‘‘તેનેવ હત્થેન ઉપક્કમિત્વા અસુચિં મોચેસી’’તિ પાઠો સમ્પતિપાઠો સુન્દરો. અપલોકેત્વાવ કાતબ્બા. નો ચે, પાળિયંયેવ વુત્તં સિયા. ‘‘ઓત્તપ્પેના’’તિ વત્તબ્બે રુળ્હીવસેન પરેસુ ‘‘હિરોત્તપ્પેના’’તિ વુત્તં. મહાઅટ્ઠકથાયં ઉત્તાનત્તા ન વુત્તં, પાચિત્તિયાસમ્ભવદસ્સનેનેવ હિ દુક્કટન્તિ સિદ્ધં.

૮૩. તત્થ ‘‘કમ્મ’’ન્તિ વુત્તઅજ્ઝાચારેપિ પરિયાપન્નત્તા તં તસ્સ દણ્ડકમ્મવત્થુ. ‘‘તત્થ કમ્મં આપન્નો’’તિ પુબ્બેપિ લિખિતં. મહાઅટ્ઠકથાયં ‘‘અત્તકામં આપન્નો’’તિ પાઠો, ‘‘અયમેવ ગહેતબ્બો’’તિ વદન્તિ, વીમંસિતબ્બં.

દુટ્ઠુલ્લારોચનસિક્ખાપદવણ્ણના નિટ્ઠિતા.