૬. સુરુસુરુવગ્ગવણ્ણના

૬૨૭. ‘‘સુરુસુરુ’’ન્તિ ચ ‘‘સુરોસુરો’’તિ ચ પાઠો. સીતીકતોતિ સીતઙ્કો. ‘‘સિલકબુદ્ધોતિ અરિયાનં પરિહાસવચનમેવેત’’ન્તિ લિખિતં.

૬૩૧. પટિક્કૂલવસેનાતિ એત્થ યદિ પટિક્કૂલવસેન પટિક્ખિત્તં, ‘‘સેય્યથાપિ કામભોગિનો’’તિ ન વત્તબ્બં. ન હિ તે પટિક્કૂલં કરોન્તીતિ ચે? ન, ઇસ્સરિયલિઙ્ગવસેન ગહણસમ્ભવતો. તે હિ અનાદરા હોન્તિ. પત્તધોવનન્તિ પત્તધોવનોદકં ભોજનપટિસંયુત્તં.

૬૩૪. ‘‘છત્તપાદુકાય’’ન્તિ ચ ‘‘છત્તપાદે’’તિ ચ પાઠો.

૬૩૭. ચાપોતિ સત્તખાદનવધો. ‘‘સેસા સબ્બા ધનુવિકતિ કોદણ્ડે પવિટ્ઠા’’તિ ચ લિખિતં, પટિમુક્કન્તિ પવેસિતં, લગ્ગિતં હોતીતિ અત્થો.

સુરુસુરુવગ્ગવણ્ણના નિટ્ઠિતા.