૬-૭. અન્તેવાસિકસુત્તાદિવણ્ણના

૧૫૧-૧૫૨. અન્ત-સદ્દો સમીપત્થે વત્તતિ ‘‘ઉદકન્તં વનન્ત’’ન્તિઆદીસુ, કિલેસો પન અતિઆસન્ને વસતિ અબ્ભન્તરવુત્તિતાયાતિ ‘‘અન્તેવાસિક’’ન્તિ વુત્તો વિભત્તિઅલોપેન યથા ‘‘વનેકુસલો, કૂલેરુક્ખા’’તિ. તેનાહ – ‘‘અનન્તેવાસિકન્તિ અન્તોવસનકિલેસવિરહિત’’ન્તિ. આચરણકકિલેસવિરહિતન્તિ સમુદાચરણકિલેસરહિતં. અન્તો અસ્સ વસન્તીતિ અસ્સ પુગ્ગલસ્સ અન્તો અબ્ભન્તરે ચિત્તે વસન્તિ પવત્તન્તિ. તે એતં અધિભવન્તીતિ તે કિલેસા એતં પુગ્ગલં અભિભવિત્વા અત્તનો વસે વત્તેન્તિ. તેનાહ – ‘‘અજ્ઝોત્થરન્તિ સિક્ખાપેન્તિ વા’’તિ. તેહિ આચરિયેહીતિ તેહિ કિલેસસઙ્ખાતેહિ સત્તે અત્તનો ગતિયં ઠપેન્તેહિ આચરિયેહિ. સત્તમં હેટ્ઠા કથિતનયમેવાતિ યસ્મા હેટ્ઠા ખન્ધવસેન દેસના આગતા, ઇધ આયતનવસેનાતિ અયમેવ વિસેસો.

અન્તેવાસિકસુત્તાદિવણ્ણના નિટ્ઠિતા.