૧૨. પરંમરણસુત્તવણ્ણના

૧૫૫. યથા અતીતકપ્પે અતીતાસુ જાતીસુ કમ્મકિલેસવસેન આગતો, તથા એતરહિપિ આગતોતિ તથાગતો, યથા યથા વા પન કમ્મં કતૂપચિતં, તથા તં તં અત્તભાવં આગતો ઉપગતો ઉપપન્નોતિ તથાગતો, સત્તોતિ આહ ‘‘તથાગતોતિ સત્તો’’તિ. એતન્તિ ‘‘એવં હોતિ ભવતિ તિટ્ઠતિ સસ્સતિસમ’’ન્તિ એવં પવત્તં દિટ્ઠિગતં. અત્થસન્નિસ્સિતં ન હોતીતિ દિટ્ઠધમ્મિકસમ્પરાયિકપરમત્થતો સુખન્તિ પસત્થસન્નિસ્સિતં ન હોતિ. આદિબ્રહ્મચરિયકન્તિ એત્થ મગ્ગબ્રહ્મચરિયં અધિપ્પેતં તસ્સ પધાનભાવતો. તસ્સ પન એતં દિટ્ઠિગતં આદિપટિપદામત્તં ન હોતિ અનુપકારકત્તા વિલોમનતો ચ. તતો એવ ઇતરબ્રહ્મચરિયસ્સપિ અનિસ્સયોવ. સેસં વુત્તનયેન વેદિતબ્બં.

પરંમરણસુત્તવણ્ણના નિટ્ઠિતા.