૨. ફસ્સનાનત્તસુત્તવણ્ણના

૮૬. જાતિપસુતિઆરમ્મણાદિભેદેન નાનાભાવો ફસ્સો. જાતિપચ્ચયભેદેન હિ પચ્ચયુપ્પન્નસ્સ ભેદો હોતિયેવ. ધમ્મપરિચ્છેદવસેન ધાતુદેસનાયં તિસ્સો મનનમત્તા ધાતુયોવ મનોધાતુયો. કિરિયામયસ્સ ચિત્તુપ્પત્તિવિભાગેન પચ્ચયુપ્પન્નસ્સ વસેન ધાતુદેસનાયં મનનટ્ઠેન ધાતુતાય સામઞ્ઞતો મનોદ્વારાવજ્જનં ‘‘મનોધાતૂ’’તિ અધિપ્પેતન્તિ વુત્તં ‘‘મનોસમ્ફસ્સો મનોદ્વારે પઠમજવનસમ્પયુત્તો’’તિઆદિ. તસ્માતિ યસ્મા કામં સમ્પટિચ્છનમનોધાતુઅનન્તરં ઉપ્પજ્જમાનો સન્તીરણવિઞ્ઞાણધાતુયા સમ્પયુત્તો ફસ્સોપિ મનોસમ્ફસ્સો એવ નામ, દુબ્બલત્તા પન સો સબ્બભવેસુ અસમ્ભવતો ચ ગહિતો અનવસેસતો ગહણં ન હોતીતિ મનોદ્વારે જવનસમ્ફસ્સો હોતિ, તસ્મા. અયમેત્થ અત્થોતિ અયં ઇધ અધિપ્પાયાનુગતો અત્થો.

ફસ્સનાનત્તસુત્તવણ્ણના નિટ્ઠિતા.