૫-૧૦. સિખીસુત્તાદિવણ્ણના

૫-૧૦. ન એવં યોજેત્વાતિ ‘‘સિખિસ્સપી’’તિઆદિના સમુચ્ચયવસેન એવં ન યોજેત્વા. કસ્માતિઆદિના તત્થ કારણં વદતિ. એકાસને અદેસિતત્તાતિ વુત્તમેવત્થં પાકટં કાતું ‘‘નાનાઠાનેસુ હી’’તિઆદિ વુત્તં. યદિપિ તાનિ વિસું વિસું વુત્તભાવેન દેસિતાનિ, અત્થવણ્ણના પન એકસદિસા તદત્થસ્સ અભિન્નત્તા. ‘‘બુદ્ધા જાતા’’તિ ન અઞ્ઞો આચિક્ખતીતિ યોજના. ન હિ મહાબોધિસત્તાનં પચ્છિમભવે પરોપદેસેન પયોજનં અત્થિ. ગતમગ્ગેનેવાતિ પટિપત્તિગમનેન ગતમગ્ગેનેવ પચ્છિમમહાબોધિસત્તા ગચ્છન્તિ, અયમેત્થ ધમ્મતા. ગચ્છન્તીતિ ચતૂસુ સતિપટ્ઠાનેસુ પતિટ્ઠિતચિત્તા સત્ત બોજ્ઝઙ્ગે યાથાવતો ભાવેત્વા સમ્માસમ્બોધિયા અભિસમ્બુજ્ઝનવસેન પવત્તન્તીતિ અત્થો. યથા પન તેસં પઠમવિપસ્સનાભિનિવેસો હોતિ, તં દસ્સેતું ‘‘સબ્બબોધિસત્તા હી’’તિઆદિ વુત્તં. બુદ્ધભાવાનં વિપસ્સના, બુદ્ધત્થાય વા વિપસ્સના બુદ્ધવિપસ્સના.

સિખીસુત્તાદિવણ્ણના નિટ્ઠિતા.

બુદ્ધવગ્ગવણ્ણના નિટ્ઠિતા.