૧૦. સમુદ્દકસુત્તવણ્ણના

૨૫૬. ચક્કવાળમહાસમુદ્દપિટ્ઠિયન્તિ ચક્કવાળપબ્બતપાદસમન્તા મહાસમુદ્દતીરપિટ્ઠિયં. યથેવ સિનેરુસમીપે મહાસમુદ્દો અનુપુબ્બનિન્નો અનુપુબ્બપોણો અનુપુબ્બપબ્ભારો, એવં યેભુય્યેન ચક્કવાળપાદસમીપેપિ. તેનાહ ‘‘રજતપટ્ટવણ્ણે વાલુકપુલિને’’તિ. વુત્તપ્પકારાસૂતિ અનન્તરસુત્તે વુત્તપ્પકારાસુ. અસ્સમપદેનાતિ અસ્સમપદવેમજ્ઝેન. એવં ચિન્તયિંસૂતિ ‘‘યં નૂન મય’’ન્તિઆદિના યથા પાળિયં આગતં, એવં મન્તયિંસુ.

ઇચ્છિતકરોતિ યદિચ્છિતકરણં. દુટ્ઠાનન્તિ દુરાસયાનં. તે પન દુટ્ઠજ્ઝાસયા વિરુદ્ધા હોન્તીતિ આહ ‘‘દુટ્ઠાનં વિરુદ્ધાન’’ન્તિ. પવુત્તન્તિ બીજં સન્ધાય વપિતં. તેનાહ ‘‘ખેત્તે પતિટ્ઠાપિત’’ન્તિ.

સાયમાસભત્તન્તિ સાયં અસિતબ્બભોજનં. યથાવારં ભક્ખિતમેતં દેવાનં વિય સુખુમં ગુરુવાસઞ્ચ ન હોતીતિ ‘‘ભત્ત’’ન્તિ વુત્તં. ગેલઞ્ઞજાતન્તિ સઞ્જાતગેલઞ્ઞં. વેપતીતિ કમ્પતિ પવેધતિ.

સમુદ્દકસુત્તવણ્ણના નિટ્ઠિતા.

પઠમવગ્ગવણ્ણના નિટ્ઠિતા.