૩. ભેસજ્જસિક્ખાપદવણ્ણના

‘‘પટિસાયનીયાનિ પટિગ્ગહેત્વા’’તિ વદન્તેન પાદમક્ખનાદીનં અત્થાય પટિગ્ગહેત્વા ઠપેતું વટ્ટતીતિ દીપિતન્તિ લિખિતં. ‘‘યેસં મંસં કપ્પતી’’તિ વચનેન યેસં મંસં ન કપ્પતિ, તેસં સપ્પિઆદિ ન કપ્પતીતિ વદન્તા અજાનિત્વા વદન્તિ. યેસઞ્હિ મંસં કપ્પતિ, તેસં સપ્પીતિઆદિ સત્તાહકાલિકનિસ્સગ્ગિયવત્થુપરિચ્છેદદસ્સનત્થં વુત્તં. તથા પણીતભોજનસિક્ખાપદે યેસં મંસં કપ્પતિ, તેસંયેવ ખીરાદિ પણીતભોજનં, નેતરન્તિ દસ્સેતું વુત્તન્તિ. મધુ નામ મધુકરિભમરમક્ખિકાનં આસયેસુ નિય્યાસસદિસં મહામધુ હોતિ, તં યાવજીવિકન્તિ ચ લિખિતં.

ભેસજ્જસિક્ખાપદવણ્ણના નિટ્ઠિતા.

પત્તવગ્ગો તતિયો.

નિસ્સગ્ગિયપાચિત્તિયવણ્ણના નિટ્ઠિતા.