૭-૧૦. પટિબાહનાદિસિક્ખાપદવણ્ણના

આનિસંસં દસ્સેત્વા પટિબાહન્તિયાતિ ‘‘એકિસ્સા એકં સાટકં નપ્પહોતિ, આગમેથ તાવ, કતિપાહેન ઉપ્પજ્જિસ્સતિ, તતો ભાજેસ્સામા’’તિ (પાચિ. અટ્ઠ. ૯૧૫) એવં આનિસંસં દસ્સેત્વા પટિબાહન્તિયા અનાપત્તિ.

અટ્ઠમનવમાનિ ઉત્તાનત્થાનેવ.

સેસન્તિ ‘‘ધમ્મિકે વેમતિકાયા’’તિઆદિકં અવસેસં. તત્થ આનિસંસં દસ્સેત્વા પટિબાહન્તિયાતિ ‘‘ભિક્ખુનિસઙ્ઘો જિણ્ણચીવરો, કથિનાનિસંસમૂલકો મહાલાભો’’તિ (પાચિ. અટ્ઠ. ૯૩૧) એવરૂપં આનિસંસં દસ્સેત્વા પટિબાહન્તિયા અનાપત્તિ.

પટિબાહનાદિસિક્ખાપદવણ્ણના નિટ્ઠિતા.

નગ્ગવગ્ગો તતિયો.