૯. નન્દસુત્તવણ્ણના

૯. નવમે દુવિધા કુલપુત્તા જાતિકુલપુત્તા આચારકુલપુત્તા ચ. તત્થ ‘‘તેન ખો પન સમયેન રટ્ઠપાલો કુલપુત્તો તસ્મિંયેવ થુલ્લકોટ્ઠિકે અગ્ગકુલિકસ્સ પુત્તો’’તિ (મ. નિ. ૨.૨૯૪) એવં આગતા ઉચ્ચાકુલપુત્તા જાતિકુલપુત્તા. ‘‘સદ્ધાયેતે કુલપુત્તા અગારસ્મા અનગારિયં પબ્બજિતા’’તિ (મ. નિ. ૩.૭૮) એવં આગતા પન યત્થ કત્થચિ કુલે પસુતાપિ આચારકુલપુત્તા નામ. ઇધ પન ઉચ્ચાકુલપ્પસુતતં સન્ધાય ‘‘કુલપુત્તોતિ, ભિક્ખવે, નન્દં સમ્મા વદમાનો વદેય્યા’’તિ ભગવતા વુત્તન્તિ આહ ‘‘જાતિકુલપુત્તો’’તિ. ઉભોહિપિ પન કારણેહિ તસ્સ કુલપુત્તભાવોયેવ. સેસમેત્થ ઉત્તાનમેવ.

નન્દસુત્તવણ્ણના નિટ્ઠિતા.