૧૦. સુગતવિનયસુત્તવણ્ણના

૧૬૦. દસમે વળઞ્જેન્તીતિ સજ્ઝાયન્તિ ચેવ વાચુગ્ગતં કરોન્તા ધારેન્તિ ચ. અવિગતતણ્હતાય તં તં પરિક્ખારજાતં બહુમ્પિ આદિયન્તીતિ બહુલા, તે એવ બાહુલિકા યથા ‘‘વેનયિકો’’તિ (મ. નિ. ૧.૨૪૬; અ. નિ. ૮.૧૧; પારા. ૮). તે પન યસ્મા પચ્ચયબહુલભાવા યુત્તપ્પયુત્તા નામ હોન્તિ, તસ્મા આહ ‘‘પચ્ચયબાહુલ્લાય પટિપન્ના’’તિ. સિથિલં ગણ્હન્તીતિ સાથલિકા, સિક્ખાય આદરગારવાભાવેન સિથિલં અદળ્હં ગણ્હન્તીતિ અત્થો. સિથિલન્તિ ચ ભાવનપુંસકનિદ્દેસો, સિથિલ-સદ્દેન વા સમાનત્થસ્સ સાથલસદ્દસ્સ વસેન સાથલિકાતિ પદસિદ્ધિ વેદિતબ્બા. અવગમનતોતિ અધોગમનતો, ઓરમ્ભાગિયભાવતોતિ અત્થો. નિબ્બીરિયાતિ ઉજ્ઝિતુસ્સાહા તદધિગમાય આરમ્ભમ્પિ અકુરુમાના.

સુગતવિનયસુત્તવણ્ણના નિટ્ઠિતા.

ઇન્દ્રિયવગ્ગવણ્ણના નિટ્ઠિતા.