૭. કણ્હસુત્તવણ્ણના

૭. સત્તમે યથા ‘‘કણ્હા ગાવી’’તિઆદીસુ કાળવણ્ણેન સમન્નાગતા ‘‘કણ્હા’’તિ વુચ્ચતિ, ન એવં કાળવણ્ણતાય ધમ્મા ‘‘કણ્હા’’તિ વુચ્ચન્તિ, અથ ખો કણ્હાભિજાતિનિબ્બત્તિહેતુતો અપ્પભસ્સરભાવકરણતો વા ‘‘કણ્હા’’તિ વુચ્ચન્તીતિ દસ્સેન્તો ‘‘ન કાળવણ્ણતાયા’’તિઆદિમાહ. કણ્હતાયાતિ કણ્હાભિજાતિતાય. કણ્હાભિજાતીતિ ચ અપાયા વુચ્ચન્તિ મનુસ્સેસુ ચ દોભગ્ગિયં. સરસેનાતિ સભાવેન. ન હિરીયતિ ન લજ્જતીતિ અહિરિકો, પુગ્ગલો, ચિત્તં, તં સમ્પયુત્તધમ્મસમુદાયો વા. તસ્સ ભાવો અહિરિક્કન્તિ વત્તબ્બે એકસ્સ ક-કારસ્સ લોપં કત્વા અહિરિકન્તિ વુત્તન્તિ આહ ‘‘અહિરિકન્તિ અહિરિકભાવો’’તિ. ન ઓત્તપ્પતીતિ અનોત્તાપી, પુગ્ગલો, યથાવુત્તધમ્મસમુદાયો વા, તસ્સ ભાવો અનોત્તપ્પન્તિ આહ ‘‘અનોત્તાપિભાવો’’તિ.

કણ્હસુત્તવણ્ણના નિટ્ઠિતા.