૭. અવિજ્જાસુત્તં

૧૦૮૭. એકમન્તં નિસિન્નો ખો સો ભિક્ખુ ભગવન્તં એતદવોચ – ‘‘‘અવિજ્જા, અવિજ્જા’તિ ભન્તે, વુચ્ચતિ. કતમા નુ ખો, ભન્તે, અવિજ્જા; કિત્તાવતા ચ અવિજ્જાગતો હોતી’’તિ? ‘‘યં ખો, ભિક્ખુ, દુક્ખે અઞ્ઞાણં, દુક્ખસમુદયે અઞ્ઞાણં, દુક્ખનિરોધે અઞ્ઞાણં, દુક્ખનિરોધગામિનિયા પટિપદાય અઞ્ઞાણં – અયં વુચ્ચતિ, ભિક્ખુ, અવિજ્જા; એત્તાવતા ચ અવિજ્જાગતો હોતી’’તિ.

‘‘તસ્માતિહ, ભિક્ખુ, ‘ઇદં દુક્ખ’ન્તિ યોગો કરણીયો…પે… ‘અયં દુક્ખનિરોધગામિની પટિપદા’તિ યોગો કરણીયો’’તિ. સત્તમં.