૨. નાગસેનપઞ્હો

૨. થેરો આહ ‘‘લોણં, મહારાજ, ચક્ખુવિઞ્ઞેય્ય’’ન્તિ. ‘‘આમ, ભન્તે, ચક્ખુવિઞ્ઞેય્ય’’ન્તિ. ‘‘સુટ્ઠુ ખો, મહારાજ, જાનાહી’’તિ. ‘‘કિં પન, ભન્તે, જિવ્હાવિઞ્ઞેય્ય’’ન્તિ? ‘‘આમ, મહારાજ, જિવ્હાવિઞ્ઞેય્ય’’ન્તિ. ‘‘કિં પન, ભન્તે, સબ્બં લોણં જિવ્હાય વિજાનાતી’’તિ? ‘‘આમ, મહારાજ, સબ્બં લોણં જિવ્હાય વિજાનાતિ’’.

‘‘યદિ, ભન્તે, સબ્બં લોણં જિવ્હાય વિજાનાતિ, કિસ્સ પન તં સકટેહિ બલીબદ્દા [બલિબદ્દા (સી. પી.)] આહરન્તિ, નનુ લોણમેવ આહરિતબ્બ’’ન્તિ? ‘‘ન સક્કા, મહારાજ, લોણમેવ આહરિતું એકતોભાવગતા એતે ધમ્મા ગોચરનાનત્તગતા લોણં ગરુભાવો ચાતિ. સક્કા પન, મહારાજ, લોણં તુલાય તુલયિતુ’’ન્તિ? ‘‘આમ, ભન્તે, સક્કા’’તિ. ‘‘ન સક્કા, મહારાજ, લોણં તુલાય તુલયિતું, ગરુભાવો તુલાય તુલિયતી’’તિ.

‘‘કલ્લોસિ, ભન્તે નાગસેના’’તિ.

નાગસેનપઞ્હો દુતિયો.