૨૮૦. પુટદૂસકજાતકં (૩-૩-૧૦)

૮૮. અદ્ધા હિ નૂન મિગરાજા, પુટકમ્મસ્સ કોવિદો;

તથા હિ પુટં દૂસેતિ, અઞ્ઞં નૂન કરિસ્સતિ.

૮૯. ન મે માતા વા પિતા વા, પુટકમ્મસ્સ કોવિદો;

કતં કતં ખો દૂસેમ, એવં ધમ્મમિદં કુલં.

૯૦. યેસં વો એદિસો ધમ્મો, અધમ્મો પન કીદિસો;

મા વો ધમ્મં અધમ્મં વા, અદ્દસામ કુદાચનન્તિ.

પુટદૂસકજાતકં દસમં.

ઉદપાનવગ્ગો [અરઞ્ઞવગ્ગો (સી. પી. ક.)] તતિયો.

તસ્સુદ્દાનં –

ઉદપાનવરં વનબ્યગ્ઘ કપિ, સિખિની ચ બલાક રુચિરવરો;

સુજનાધિપરોમકદૂસ પુન, સતપત્તવરો પુટકમ્મ દસાતિ.