૭. સબ્બપરિઞ્ઞાસુત્તં

૭. વુત્તઞ્હેતં ભગવતા, વુત્તમરહતાતિ મે સુતં –

‘‘સબ્બં, ભિક્ખવે, અનભિજાનં અપરિજાનં તત્થ ચિત્તં અવિરાજયં અપ્પજહં અભબ્બો દુક્ખક્ખયાય. સબ્બઞ્ચ ખો, ભિક્ખવે, અભિજાનં પરિજાનં તત્થ ચિત્તં વિરાજયં પજહં ભબ્બો દુક્ખક્ખયાયા’’તિ. એતમત્થં ભગવા અવોચ. તત્થેતં ઇતિ વુચ્ચતિ –

‘‘યો સબ્બં સબ્બતો ઞત્વા, સબ્બત્થેસુ ન રજ્જતિ;

સ વે સબ્બપરિઞ્ઞા [સબ્બં પરિઞ્ઞા (સ્યા. પી.)] સો, સબ્બદુક્ખમુપચ્ચગા’’તિ [સબ્બં દુક્ખં ઉપચ્ચગાતિ (સ્યા.), સબ્બદુક્ખં ઉપચ્ચગાતિ (પી. અટ્ઠ.)].

અયમ્પિ અત્થો વુત્તો ભગવતા, ઇતિ મે સુતન્તિ. સત્તમં.