૫. નાગપલ્લવત્થેરઅપદાનં

૧૧૮. ‘‘નગરે બન્ધુમતિયા, રાજુય્યાને વસામહં;

મમ અસ્સમસામન્તા, નિસીદિ લોકનાયકો.

૧૧૯. ‘‘નાગપલ્લવમાદાય, બુદ્ધસ્સ અભિરોપયિં;

પસન્નચિત્તો સુમનો, સુગતં અભિવાદયિં.

૧૨૦. ‘‘એકનવુતિતો કપ્પે, યં પલ્લવમપૂજયિં;

દુગ્ગતિં નાભિજાનામિ, બુદ્ધપૂજાયિદં ફલં.

૧૨૧. ‘‘કિલેસા ઝાપિતા મય્હં…પે… વિહરામિ અનાસવો.

૧૨૨. ‘‘સ્વાગતં વત મે આસિ…પે… કતં બુદ્ધસ્સ સાસનં.

૧૨૩. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા નાગપલ્લવો થેરો ઇમા ગાથાયો અભાસિત્થાતિ.

નાગપલ્લવત્થેરસ્સાપદાનં પઞ્ચમં.