૫. પુપ્ફાસનદાયકત્થેરઅપદાનં

૨૦. ‘‘સુવણ્ણવણ્ણં સમ્બુદ્ધં, પીતરંસિંવ [સતરંસિંવ (સી. સ્યા.)] ભાણુમં;

અવિદૂરેન ગચ્છન્તં, સિદ્ધત્થં અપરાજિતં.

૨૧. ‘‘તસ્સ પચ્ચુગ્ગમિત્વાન, પવેસેત્વાન અસ્સમં;

પુપ્ફાસનં મયા દિન્નં, વિપ્પસન્નેન ચેતસા.

૨૨. ‘‘અઞ્જલિં પગ્ગહેત્વાન, વેદજાતો તદા અહં;

બુદ્ધે ચિત્તં પસાદેત્વા, તં કમ્મં પરિણામયિં.

૨૩. ‘‘યં મે અત્થિ કતં પુઞ્ઞં, સયમ્ભુમ્હપરાજિતે;

સબ્બેન તેન કુસલેન, વિમલો હોમિ સાસને.

૨૪. ‘‘ચતુન્નવુતિતો કપ્પે, પુપ્ફાસનમદં તદા;

દુગ્ગતિં નાભિજાનામિ, પુપ્ફાસનસ્સિદં ફલં.

૨૫. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા પુપ્ફાસનદાયકો થેરો ઇમા ગાથાયો અભાસિત્થાતિ.

પુપ્ફાસનદાયકત્થેરસ્સાપદાનં પઞ્ચમં.