૧૦. કુમુદમાલિયત્થેરઅપદાનં

૫૪. ‘‘ઉસભં પવરં વીરં, મહેસિં વિજિતાવિનં;

વિપસ્સિનં મહાવીરં, અભિજાતંવ કેસરિં.

૫૫. ‘‘રથિયં પટિપજ્જન્તં, આહુતીનં પટિગ્ગહં;

ગહેત્વા કુમુદં માલં, બુદ્ધસેટ્ઠં સમોકિરિં.

૫૬. ‘‘એકનવુતિતો કપ્પે, યં પુપ્ફમભિપૂજયિં;

દુગ્ગતિં નાભિજાનામિ, બુદ્ધપૂજાયિદં ફલં.

૫૭. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા કુમુદમાલિયો થેરો ઇમા ગાથાયો અભાસિત્થાતિ.

કુમુદમાલિયત્થેરસ્સાપદાનં દસમં.

આરક્ખદાયકવગ્ગો બાત્તિંસતિમો [બત્તિંસતિમો (સી. સ્યા.)].