૯. બુદ્ધસઞ્ઞકત્થેરઅપદાનં

૪૩. ‘‘ઉદેન્તં સતરંસિંવ, પીતરંસિંવ ભાણુમં;

વનન્તરગતં સન્તં, લોકજેટ્ઠં નરાસભં.

૪૪. ‘‘અદ્દસં સુપિનન્તેન, સિદ્ધત્થં લોકનાયકં;

તત્થ ચિત્તં પસાદેત્વા, સુગતિં ઉપપજ્જહં.

૪૫. ‘‘ચતુન્નવુતિતો કપ્પે, યં સઞ્ઞમલભિં તદા;

દુગ્ગતિં નાભિજાનામિ, બુદ્ધસઞ્ઞાયિદં ફલં.

૪૬. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા બુદ્ધસઞ્ઞકો થેરો ઇમા ગાથાયો અભાસિત્થાતિ.

બુદ્ધસઞ્ઞકત્થેરસ્સાપદાનં નવમં.