૧૦. પુબ્બઙ્ગમિયત્થેરઅપદાનં

૪૩. ‘‘ચુલ્લાસીતિસહસ્સાનિ, પબ્બજિમ્હ અકિઞ્ચના;

તેસં પુબ્બઙ્ગમો આસિં, ઉત્તમત્થસ્સ પત્તિયા.

૪૪. ‘‘સરાગા સભવા [સમોહા (સ્યા.)] ચેતે, વિપ્પસન્નમનાવિલા;

ઉપટ્ઠહિંસુ સક્કચ્ચં, પસન્ના સેહિ પાણિભિ.

૪૫. ‘‘ખીણાસવા વન્તદોસા, કતકિચ્ચા અનાસવા;

ફરિંસુ મેત્તચિત્તેન, સયમ્ભૂ અપરાજિતા.

૪૬. ‘‘તેસં ઉપટ્ઠહિત્વાન, સમ્બુદ્ધાનં પતિસ્સતો;

મરણઞ્ચ અનુપ્પત્તો, દેવત્તઞ્ચ અગમ્હસે.

૪૭. ‘‘ચતુન્નવુતિતો કપ્પે, યં સીલમનુપાલયિં;

દુગ્ગતિં નાભિજાનામિ, સઞ્ઞમસ્સ ઇદં ફલં.

૪૮. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા પુબ્બઙ્ગમિયો થેરો ઇમા ગાથાયો અભાસિત્થાતિ.

પુબ્બઙ્ગમિયત્થેરસ્સાપદાનં દસમં.

પણ્ણદાયકવગ્ગો એકૂનતિંસતિમો.