૯. કુટિદાયકત્થેરઅપદાનં

૩૩. ‘‘વિપિનચારી સમ્બુદ્ધો, રુક્ખમૂલે વસી તદા;

પણ્ણસાલં કરિત્વાન, અદાસિં અપરાજિતે.

૩૪. ‘‘એકનવુતિતો કપ્પે, યં પણ્ણકુટિકં અદં;

દુગ્ગતિં નાભિજાનામિ, કુટિદાનસ્સિદં ફલં.

૩૫. ‘‘અટ્ઠવીસે [અટ્ઠતિંસે (સ્યા.)] ઇતો કપ્પે, સોળસાસિંસુ રાજાનો;

સબ્બત્થ અભિવસ્સીતિ, વુચ્ચરે ચક્કવત્તિનો.

૩૬. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા કુટિદાયકો થેરો ઇમા ગાથાયો અભાસિત્થાતિ.

કુટિદાયકત્થેરસ્સાપદાનં નવમં.