૪. દેસપૂજકત્થેરઅપદાનં

૧૮. ‘‘અત્થદસ્સી તુ ભગવા, લોકજેટ્ઠો નરાસભો;

અબ્ભુગ્ગન્ત્વાન વેહાસં, ગચ્છતે અનિલઞ્જસે.

૧૯. ‘‘યમ્હિ દેસે ઠિતો સત્થા, અબ્ભુગ્ગચ્છિ મહામુનિ;

તાહં દેસં અપૂજેસિં, પસન્નો સેહિ પાણિભિ.

૨૦. ‘‘અટ્ઠારસે કપ્પસતે, અદ્દસં યં મહામુનિં;

દુગ્ગતિં નાભિજાનામિ, દેસપૂજાયિદં ફલં.

૨૧. ‘‘એકાદસે કપ્પસતે, ગોસુજાતસનામકો;

સત્તરતનસમ્પન્નો, ચક્કવત્તી મહબ્બલો.

૨૨. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા દેસપૂજકો થેરો ઇમા ગાથાયો અભાસિત્થાતિ.

દેસપૂજકત્થેરસ્સાપદાનં ચતુત્થં.