૫. કણિકારછત્તિયત્થેરઅપદાનં

૨૩. ‘‘વેસ્સભૂ નામ સમ્બુદ્ધો, લોકજેટ્ઠો નરાસભો;

દિવાવિહારાય મુનિ, ઓગાહયિ મહાવનં.

૨૪. ‘‘કણિકારં ઓચિનિત્વા, છત્તં કત્વાનહં તદા;

પુપ્ફચ્છદનં કત્વાન, બુદ્ધસ્સ અભિરોપયિં.

૨૫. ‘‘એકત્તિંસે ઇતો કપ્પે, યં પુપ્ફમભિરોપયિં;

દુગ્ગતિં નાભિજાનામિ, બુદ્ધપૂજાયિદં ફલં.

૨૬. ‘‘ઇતો વીસતિકપ્પમ્હિ, સોણ્ણાભા અટ્ઠ ખત્તિયા;

સત્તરતનસમ્પન્ના, ચક્કવત્તી મહબ્બલા.

૨૭. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા કણિકારછત્તિયો થેરો ઇમા ગાથાયો અભાસિત્થાતિ.

કણિકારછત્તિયત્થેરસ્સાપદાનં પઞ્ચમં.