૧૦. કુમુદદાયકત્થેરઅપદાનં

૫૧. ‘‘હિમવન્તસ્સાવિદૂરે, મહાજાતસ્સરો અહુ;

પદુમુપ્પલસઞ્છન્નો, પુણ્ડરીકસમોત્થટો.

૫૨. ‘‘કુકુત્થો નામ નામેન, તત્થાસિં સકુણો તદા;

સીલવા બુદ્ધિસમ્પન્નો, પુઞ્ઞાપુઞ્ઞેસુ કોવિદો.

૫૩. ‘‘પદુમુત્તરો લોકવિદૂ, આહુતીનં પટિગ્ગહો;

જાતસ્સરસ્સાવિદૂરે, સઞ્ચરિત્થ મહામુનિ.

૫૪. ‘‘જલજં કુમુદં છેત્વા, ઉપનેસિં મહેસિનો;

મમ સઙ્કપ્પમઞ્ઞાય, પટિગ્ગહિ મહામુનિ.

૫૫. ‘‘તઞ્ચ દાનં દદિત્વાન, સુક્કમૂલેન ચોદિતો;

કપ્પાનં સતસહસ્સં, દુગ્ગતિં નુપપજ્જહં.

૫૬. ‘‘સોળસેતો કપ્પસતે, આસું વરુણનામકા;

અટ્ઠ એતે જનાધિપા, ચક્કવત્તી મહબ્બલા.

૫૭. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા કુમુદદાયકો થેરો ઇમા ગાથાયો અભાસિત્થાતિ.

કુમુદદાયકત્થેરસ્સાપદાનં દસમં.

બન્ધુજીવકવગ્ગો સોળસમો.