૧૦. પલ્લઙ્કદાયકત્થેરઅપદાનં

૪૮. ‘‘સુમેધસ્સ ભગવતો, લોકજેટ્ઠસ્સ તાદિનો;

પલ્લઙ્કો હિ મયા દિન્નો, સઉત્તરસપચ્છદો.

૪૯. ‘‘સત્તરતનસમ્પન્નો, પલ્લઙ્કો આસિ સો તદા;

મમ સઙ્કપ્પમઞ્ઞાય, નિબ્બત્તતિ સદા મમ.

૫૦. ‘‘તિંસકપ્પસહસ્સમ્હિ, પલ્લઙ્કમદદિં તદા;

દુગ્ગતિં નાભિજાનામિ, પલ્લઙ્કસ્સ ઇદં ફલં.

૫૧. ‘‘વીસકપ્પસહસ્સમ્હિ, સુવણ્ણાભા તયો જના;

સત્તરતનસમ્પન્ના, ચક્કવત્તી મહબ્બલા.

૫૨. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા પલ્લઙ્કદાયકો થેરો ઇમા ગાથાયો અભાસિત્થાતિ.

પલ્લઙ્કદાયકત્થેરસ્સાપદાનં દસમં.

છત્તવગ્ગો પન્નરસમો.