૭. સુદ્ધિકસુત્તવણ્ણના

૧૯૩. સત્તમે સુદ્ધિકભારદ્વાજોતિ અયમ્પિ ભારદ્વાજોવ, સુદ્ધિકપઞ્હસ્સ પન પુચ્છિતત્તા સઙ્ગીતિકારેહિ એવં વુત્તો. સીલવાપિ તપોકરન્તિ સીલસમ્પન્નોપિ તપોકમ્મં કરોન્તો. વિજ્જાચરણસમ્પન્નોતિ એત્થ વિજ્જાતિ તયો વેદા. ચરણન્તિ ગોત્તચરણં. સો સુજ્ઝતિ ન અઞ્ઞા ઇતરા પજાતિ સો તેવિજ્જો બ્રાહ્મણો સુજ્ઝતિ, અયં પન અઞ્ઞા નામિકા પજા ન સુજ્ઝતીતિ વદતિ. બહુમ્પિ પલપં જપ્પન્તિ બહુમ્પિ પલપં જપ્પન્તો, ‘‘બ્રાહ્મણોવ સુજ્ઝતી’’તિ એવં વચનસહસ્સમ્પિ ભણન્તોતિ અત્થો. અન્તોકસમ્બૂતિ અન્તો કિલેસપૂતિસભાવેન પૂતિકો. સંકિલિટ્ઠોતિ કિલિટ્ઠેહિ કાયકમ્માદીહિ સમન્નાગતો. સત્તમં.