૬. મલ્લિકાસુત્તવણ્ણના

૧૨૭. છટ્ઠે ઉપસઙ્કમીતિ મલ્લિકાય દેવિયા ગબ્ભવુટ્ઠાનકાલે સૂતિઘરં પટિજગ્ગાપેત્વા આરક્ખં દત્વા ઉપસઙ્કમિ. અનત્તમનો અહોસીતિ, ‘‘દુગ્ગતકુલસ્સ મે ધીતુ મહન્તં ઇસ્સરિયં દિન્નં, સચે પુત્તં અલભિસ્સ, મહન્તં સક્કારં અધિગમિસ્સ, તતો દાનિ પરિહીના’’તિ અનત્તમનો અહોસિ. સેય્યાતિ દન્ધપઞ્ઞસ્મા એલમૂગપુત્તતો એકચ્ચા ઇત્થીયેવ સેય્યા. પોસાતિ પોસેહિ. જનાધિપાતિ જનાધિભું રાજાનં આલપતિ. સસ્સુદેવાતિ સસ્સુસસુરદેવતા. દિસમ્પતીતિ દિસાજેટ્ઠકા. તાદિસા સુભગિયાતિ તાદિસાય સુભરિયાય. છટ્ઠં.