૮. પતિરૂપકથાવણ્ણના

૯૧૫-૯૧૬. ઇદાનિ રાગપતિરૂપકથા નામ હોતિ. તત્થ મેત્તાકરુણામુદિતાયો સન્ધાય ‘‘ન રાગો રાગપતિરૂપકો’’તિ ચ ઇસ્સામચ્છરિયકુક્કુચ્ચાનિ સન્ધાય ‘‘ન દોસો દોસપતિરૂપકો’’તિ ચ હસિતુપ્પાદં સન્ધાય ‘‘ન મોહો મોહપતિરૂપકો’’તિ ચ દુમ્મઙ્કૂનં પુગ્ગલાનં નિગ્ગહં પેસલાનં ભિક્ખૂનં અનુગ્ગહં પાપગરહિતં કલ્યાણપસંસં આયસ્મતો પિલિન્દવચ્છસ્સ વસલવાદં ભગવતો ખેળાસકવાદં મોઘપુરિસવાદઞ્ચ સન્ધાય ‘‘ન કિલેસો કિલેસપતિરૂપકો’’તિ ચ યેસં લદ્ધિ, સેય્યથાપિ અન્ધકાનં; તે સન્ધાય સબ્બકથાસુ પુચ્છા સકવાદિસ્સ, પટિઞ્ઞા ઇતરસ્સ. અથ નં યસ્મા ફસ્સાદિપતિરૂપકા નફસ્સાદયો નામ નત્થિ, તસ્મા રાગાદિપતિરૂપકા નરાગાદયોપિ નત્થીતિ ચોદેતું અત્થિ ન ફસ્સોતિઆદિમાહ. ઇતરો તેસં અભાવા પટિક્ખિપતિ. સેસં સબ્બત્થ ઉત્તાનત્થમેવાતિ.

પતિરૂપકથાવણ્ણના.