૭૮. એય્યા

અઞ્ઞત્રાપીતિ ભવેય્યામુભવેય્યામઇચ્ચત્રાપિ.

ઇતિ મોગ્ગલ્લાનપઞ્ચિકાટીકાયં સારત્થવિલાસિનિયં

છટ્ઠકણ્ડવણ્ણના નિટ્ઠિતા.

નિટ્ઠિતા ચ સબ્બથા સારત્થવિલાસિની ટીકેતિ.

નિગમ

૧. સબ્બદા સુભદાયિત્તા, સત્તાનન્તનિસેવિતે;

પસત્થે-ન્વત્થસઞ્ઞાય, પઞ્ઞાતે સુભસઞ્ઞિતે.

૨. ચાગવિક્કમપઞ્ઞાનુદ્દયાદિગુણસાલિના;

સુભસેનાધિનાથેન, કારિતે વસતા સતા.

૩. પટિસલ્લાનસારુપ્પે, વિહારે સાધુગોચરે;

મનોનુકૂલે યોગીનં, વરે વિક્કમસુન્દરે.

૪. થેરેન રચિતા સાયં, સાસનુજ્જોતનત્થિના;

ટીકા ગુરુપદમ્ભોજ, રજોમત્થકસેવિના.

૫. બહુસ્સુતાનં વિઞ્ઞૂનં, પરમત્થાવગાહિનં.

પવત્તતુ ચિરં ચેતો, રઞ્જયન્તી નિરન્તરં.

૬. યેસં ન સઞ્ચિતા પઞ્ઞા, નેકસત્તન્તરોચિતા;

સમ્મોહબ્ભહતાવેતે, નાવબુજ્ઝન્તિ કિઞ્ચિપિ.

૭. કિન્તેહિ પાદસુસ્સૂસા, યેસં નત્થિ ગુરૂનિહ;

યે તપ્પાદરજોકિણ્ણા, તેવ સાધૂવિવેકિનો.

૮. પુઞ્ઞેન સત્થરચનાજનિતેન તેન,

સમ્બુદ્ધસાસનવરોદયકારણેન;

લોકામિસેસુપિ કિલેસમલા અલગ્ગો,

સમ્બુદ્ધસાસનવરોદયમાચરેય્યં.

૯. યે-નન્તતન્તરતનાકરમન્થનેન,

મન્થાચ લોલ્લસિતઞાણવરેન લદ્ધા;

સારામથાતિ સુખિતા સુખયન્તિ ચઞ્ઞે,

તેમે જયન્તિ ગુરવા ગુરવો ગુણેહિ.

૧૦. ટીકાયો વિનસાદિનં વિરચયી યો કણ્ઠભૂસાપરો,

વિઞ્ઞૂનં જિનસાસનામલમતીસો-કાસિ ચાનાકુલં;

સન્તોસક્કમનોમનોમકમનો સબ્ભાવનીયો મહા,

સામી મે ગુરુપુઙ્ગવો વિજયતે સારીસુતો-યં ભુવિ.

૧૧. રાજા વિક્કમબાહુ બાહિતરિપૂ તાત્વસ્સ [ભાતાસ્સ] લોકિસ્સરો,

સમ્મિત્તાનિહનો તિસીહળપતી યોયં મહાવિક્કમો;

નિબ્ભીતો [તિસૂરો] વિજયાદિબાહુ વિજયી સો આસિ લઙ્કિસ્સરો,

તં નિસ્સાય ફલં ચિરાય ફલતઞ્ચેતં સતં સન્તતં.

સિદ્ધિ રત્થુ

૧. અગ્ગમ્મોતિવંસેન, અભયારામસામિના;

પઞ્ચિકાવણ્ણનાભૂતા, સા સારત્થવિલાસિની.

૨. મ્રમ્મક્ખરમારોપેત્વા, વિસોધેત્વા યથાબલં;

સકિયબ્યવહારેન, તિથીવસુ કરિન્દુના.

૩. યુત્તે વસ્સે લઙ્કાદીપા, સરટ્ઠમાહતા પુન;

ભાસ્સપ્પદીપકાતન્ત, કાસિકાપઞ્ચિકાદિહિ.

૪. સંસન્દિત્વા વિચારેત્વા, વાચેત્વાચ પુનપ્પુનં;

ઊનાધિકાદિ દોસાનિ, અપનેત્વા સિનેસિને.

૫. સુદ્ધટ્ઠકે ચ વસ્સેસા, પાપિતા પકતિટ્ઠિતિં;

સુદ્ધાસુદ્ધંવ દસ્સેન્તી, સોધેતુ પાઠસુદ્ધિયા.