૫૫. કત્ત

ભૂતસદ્દેનેત્થાધિપ્પેતત્થમુપદસ્સેતુમાહ- ‘ભૂતમતીત’મિચ્ચાદિ. અઞ્ઞથાતિ યદ્યતિક્કન્તવચનો ન સિયાતિ અત્થો.

નનુચાત્રેતરેતરનિસ્સયદોસો પસજ્જતે, સતી હિ ભૂતાધિકારેત્તો વિધીયતે, સતિ ચ ત્તે ભૂતસદ્દસ્સ નિપ્ફત્તીતિ ફુટો યેવિતરેતરનિસ્સયદોસોતિ. નેસદોસો, સઙ્કેતાતિ બ્યત્તો સદ્દત્થસમ્બન્ધો ચિરકાલપ્પવત્તો, નાસ્સ કિઞ્ચિ અસાધુત્તં, અતિક્કન્તે ચાસ્સ વુત્તિ સદ્દસત્તિસભાવતો વેદિતબ્બા. ક્તવન્તા દયોપિ ચરહિ સદ્દસત્તિસભાવતો ભૂતેએવ ભવિસ્સન્તીતિ ન વત્તબ્બં. ભૂતસદ્દો-યમતિક્કન્તત્થે પસિદ્ધો ક્તવન્તાદયોત્વપ્પસિદ્ધા, અતો તેન પસિદ્ધત્થેનાપ્પસિદ્ધાનમન્વાખ્યાનં કરીયતીતિ. ભૂતેતિ ચાયં પકતિવિસેસનં વા સિયા ‘ભૂતત્થે વત્તમાના’તિ, પચ્ચયત્થ વિસેસનં વા’ભૂતે કત્તરી’તિ, તત્ર કસ્સિદં વિસેસનન્તિ આહભૂતેતિ પકતિવિસેસન’ન્તિ. કુતોચ્ચાહ- ‘સમ્બન્ધસ્સ ચે’ત્યાદિ. અથ પચ્ચયત્થવિસેસને કો દોસોચ્ચાહ- ‘પચ્ચયત્થવિસેસને હિ’ચ્ચાદિ. પચ્ચયત્થસ્સ કત્તુનો અનભિક્કન્તત્તા અયન્તિ પયોગો નોપપજ્જતેતિ ભાવો. અભિધેય્યેતિ ઇમિના પયોજનાદિં બ્યવચ્છિન્દતિ.