૩૬. યતો

વિસું કરણં નિદ્ધારણં, જિનિન્દબુદ્ધાચરિયેન ‘‘કિમત્થમ્પુનરિદં વચનં યાવતા નિદ્ધારિયમાનો-વયવો સમુદાયબ્ભન્તરો, તત્થ યદા સમુદાયસ્સા-ધિકરણત્તં વત્તુમિચ્છીયતે, તદા સત્તમી સિદ્ધાવ, યથા રુક્ખે સાખાતિ, યદા ત્વવયવસમ્બન્ધો તદા છટ્ઠી, યથા રુક્ખસ્સ સાખાતિ સચ્ચમેતં પપઞ્ચત્થન્તુ વચન’’ન્તિ વુત્તં, તઞ્ચેત મયુત્તન્તિદસ્સેન્તો આહ-‘ન સાલયો’ચ્ચાદિસૂકયુત્તાનિધઞ્ઞાનિ સૂકધઞ્ઞાનિ, આહિતા અવટ્ઠિતા, આધેય્ય ભૂતાતિ વુત્તં હોતિ. યતોતિ આહિતત્તકારણા, તતોતિ યતો જિનિન્દબુદ્ધિવચનમેવમયુત્તં, તસ્મા કારણા. ‘પઞ્ચમી વિભત્તે’’તિ (૨-૩-૪૨) પાણિનીય સુત્તં, તદાહ-‘સમુદાયતો’ચ્ચાદિ, સુતતો સકાસા સીલં અતિસયેન સેય્યોતિ સમ્બન્ધો, ‘‘નિદ્ધારણે છટ્ઠી સત્તમીસુ પત્તેસુ તદપવાદો, યં યોગો’’તિ પરેહાખ્યાયતે, તત્થ તાવ નિદ્ધારણમેવેત્થ નત્થિ કુતો છટ્ઠીસત્તમીનં તત્થપ્પવત્તિ, યતો તાસં બાધનત્થમિદમારબ્ભતેતિ દસ્સયમાહ-‘નાત્ર જાત્યાદીહિ’ચ્ચાદિ, નહિચ્ચાદિના જાત્યાદીહિ નિદ્ધારણાભાવં દસ્સેતિ, જચ્ચાદીનન્તિ નિદ્ધારણે છટ્ઠી, કુતો ન ભવતિચ્ચાહ-‘જચ્ચાદિસમ્બન્ધેને’ચ્ચાદિ, અતં બ્યપદેસતોતિ સીલત્તાદિબ્યપદેસાભાવતો, પુન નિદ્ધારણાભાવે હેત્વન્તરમાહ-‘તુલ્યાનઞ્ચે’’ચ્ચાદિ. સાધુનિપુણેહિ યોગે પૂજાયં ગમ્મમાનાયં સત્તમી, તથા અસાધુયોગે, તથા પસિતઉસ્સુક્કેહિ યોગે તતિયાસત્તમિયો, તથા લોપન્તનક્ખત્તસદ્દા ચ તેન તેન વચનન્તરેન પાણિનિયેહિ વિહિતા, તં સબ્બં તંતંકારકવચનિચ્છાયમેવ સાધેતું ‘માતરિ સાધુ’ ઇચ્ચાદયો ઉદાહટા કેસેસુ પસિતો પસત્તો, અવબદ્ધોતિ અત્થો, કેસેહિ કરણભૂતેહિ પસિતો ભવતિ, કત્તુભૂતેહિ વા પસિતો કતોતિ અત્થો, ફુસ્સેનિન્દુયુત્તેન લક્ખિતો કાલો સોયમિત્યભેદેન સમ્બન્ધા ફુસ્સે, તેન કરણભૂતેન.