૨૪૦. નસા

જટા અસ્સ અત્થીતિ જટિલો, સોવ જટિલકો, જટિલકાતિ એકત્થે નિદસ્સિતવિસેસવચનં, માણવકાતિ વિય ન સામઞ્ઞવચનં, અસત્તે સમ્પત્તેતિ ઇદં ‘‘આમન્તણં પુબ્બમસન્તં વા’’તિ (૨-૨૩૯) સુત્તસ્સ સામઞ્ઞતા વુત્તં, સામઞ્ઞવચનસ્સ પટિસેધોતિ ઇમિના વિસેસવચને જટિલકઇચ્ચત્ર ‘આમન્તણં પુબ્બમસન્તં વા’’તીમસ્સ પત્તિન્દસ્સેતિ, દેવદત્તાદિસામઞ્ઞવચનેતિ દેવદત્તો દેવદત્તસદ્દો આદિ યસ્સ, તઞ્ચ તં સામઞ્ઞવચનઞ્ચ, તસ્મિં દેવદત્તાદિસામઞ્ઞવચને માણવકે માણવકસદ્દે પરભૂતે સતિ, ઉભિન્નમ્પિ અસત્તેતિ ઇમિના ઇદં દીપેતિ ‘‘દેવદત્તાતિ વિસેસવચનત્તા પટિસેધાભાવા પુબ્બપરાનમુભિન્નમ્પિ ‘‘આમન્તણં પુબ્બમસન્તં વા’’તીદં પપ્પોતી’’તિ.

ઇતિ મોગ્ગલ્લાનપઞ્ચિકાટીકાયં સારત્થવિલાસિનિયં

દુતિયકણ્ડવણ્ણના નિટ્ઠિતા.