૩૨. ગોસ્સ

અન્તાદેસત્થોતિ ‘‘છટ્ઠિયન્તસ્સા’’તિ (૧-૧૭) બાધકસ્સ ‘‘ટાનુબન્ધાનેકવણ્ણા સબ્બસ્સા’’તિ (૧-૧૯) બાધકેન ‘‘વાનુબન્ધો’’તિ (૧-૧૮) સુત્તેન અન્તાદેસત્થો, તેનેવ વુત્તં-‘બાધકબાધનત્થોયમારમ્ભો’તિ, અવવાદેસે પુબ્બસરલોપે દીઘેચ ગવાસ્સં, ગવચ્છન્તિ નિચ્ચં. ઇદં કથં સિજ્ઝતીતિ સમ્બન્ધો, ઇદન્તિ યથરિવેચ્ચાદિકં, કિં વિના સિજ્ઝતીતિ આહ-‘એવાદિસ્સા’તિઆદિ, એવસ્સ આદિએકારો એવાદિ, તસ્સ, રિઆદેસમન્તરેનાતિ સમ્બન્ધો, ચસદ્દો અટ્ઠાનપ્પયુત્તો, રસ્સવિધાનઞ્ચાતિ યોજનીયો, કતેપિ તસ્મિન્તિ તસ્મિં સુત્તે વિહિતે ચ, ન સિજ્ઝતીતિ એવાદિસ્સ રિઆદેસો ન કતોતિ કત્વા વુત્તં, ભુસં+એવાતિ (પન) ઠિતે મહાવુત્તિના એવાદિસ્સ ઇઆદેસે રૂપસિદ્ધિ હોતેવ, ઇધ પન પકારન્તરેન ‘ભુસામિવે’તિ સાધેતુમાહ ‘તમ્પિ’ચ્ચાદિ.