पासादपरिभोगकथा

पासादपरिभोगकथायं सारत्थदीपनियं वजिरबुद्धिटीकायञ्च न किञ्चि वुत्तं. विमतिविनोदनियं (वि. वि. टी. चूळवग्ग २.३२०) पन ‘‘सुवण्णरजतादिविचित्रानीति सङ्घिकसेनासनं सन्धाय वुत्तं. पुग्गलिकं पन सुवण्णादिविचित्रं भिक्खुस्स सम्पटिच्छितुमेव न वट्टति ‘न केनचि परियायेन जातरूपरजतं सादितब्ब’न्ति (महाव. २९९) वुत्तत्ता. तेनेवेत्थ अट्ठकथायं (चूळव. अट्ठ. ३२०) ‘सङ्घिकविहारे वा पुग्गलिकविहारे वा’ति वुत्तं. गोनकादिअकप्पियभण्डविसये एव वुत्तं एकभिक्खुस्सपि तेसं गहणे दोसाभावा’’ति वुत्तं.