अकतकप्पकथा

अकतकप्पकथायं ‘‘अनुजानामि, भिक्खवे, अबीजं निब्बट्टबीजं अकतकप्पं फलं परिभुञ्जितु’’न्ति (महाव. २७८) वचनतो अबीजञ्च निब्बट्टबीजञ्च फलं अग्गिसत्थनखेहि समणकप्पं अकत्वापि परिभुञ्जितुं वट्टति. तत्थ अबीजन्ति तरुणफलं, यस्स बीजं अङ्कुरं न जनेति. निब्बट्टबीजन्ति बीजं निब्बट्टेत्वा अपनेत्वा परिभुञ्जितब्बकं अम्बपनसादि, तानि फलानि कप्पियकारके असति कप्पं अकत्वापि परिभुञ्जितुं वट्टति.