२. दुतियसिक्खापदवण्णना

८००. संहरापेय्याति ‘‘संहरति वा संहरापेति वा’’ति पदभाजनं वेदितब्बं. किञ्चापि एत्थ आपत्तिभेदो न दस्सितो, तथापि खुरसण्डासकत्तरिआदिपरियेसनघंसनादीसु पुब्बपयोगेसु दुक्कटं युज्जति, यथा चेत्थ, एवं तलघातकादिम्हि च आपत्तिभेदो पाळियं न वुत्तो. यथासम्भवं पन पुब्बपयोगेसु दुक्कटं सम्भवति. एवं भिक्खुस्स एत्थ च लसुणे च दुक्कटं. इदं किरियाकिरियन्ति पोराणा. तत्थ ‘‘किरियाकिरिय’’न्ति न वुत्तं.

दुतियसिक्खापदवण्णना निट्ठिता.

८०२-६. ततियचतुत्थसिक्खापदं उत्तानत्थमेव.