५. पञ्चमसिक्खापदवण्णना

८१२. पञ्चमे उदकसुद्धिपच्चये सतिपि फस्ससादियने यथावुत्तपरिच्छेदे अनापत्ति. तत्थ द्विन्नं पब्बानन्ति ‘‘द्विन्नं अङ्गुलानं सहपवेसने एकेकअङ्गुलस्स एकेकं पब्बं कत्वा द्वे पब्बा, एकङ्गुलप्पवेसने द्विन्नं पब्बानं उपरि न वट्टतीति वेदितब्बं. महापच्चरियम्पि अयमेव नयो दस्सितो’’ति लिखितं.

पञ्चमसिक्खापदवण्णना निट्ठिता.

८१५. छट्ठसिक्खापदं उत्तानत्थमेव.