१०. कण्टकसिक्खापदवण्णना

४२८. यत्थ ते न पस्सामाति तेति तं. अथ वा तव रूपादिं न पस्साम. अयं समणुद्देसो पाराजिको होति. ‘‘सचे तं दिट्ठिं पटिनिस्सज्जति, सङ्घस्स आरोचेत्वा सङ्घानुमतिया पब्बाजेतब्बो’’ति पोराणगण्ठिपदे वुत्तं, तं न युत्तं, दण्डकम्मनासना हि इधाधिप्पेता. यदि सो पाराजिको, लिङ्गनासना नाम सिया. ते पटिसेवतो नालं अन्तरायायाति च दिट्ठि सत्थरि असत्थादिदिट्ठि न होति. सचे सा यस्स उप्पज्जति, सो पाराजिको होति, तस्मिम्पि एवमेव पटिपज्जितब्बं संवरे अतिट्ठन्तो लिङ्गनासनायेव नासेतब्बोति आचरियस्स तक्को.

कण्टकसिक्खापदवण्णना निट्ठिता.

समत्तो वण्णनाक्कमेन सप्पाणकवग्गो सत्तमो.