७. निसीदनसिक्खापदवण्णना

५३१. किञ्चापि निसीदनस्स जाति न दिस्सति एत्थ, तथापि चीवरक्खन्धके अनुञ्ञातत्ता, ‘‘नव चीवरानि अधिट्ठातब्बानी’’ति एत्थ च परियापन्नत्ता चीवरजातियेवस्स जातीति वेदितब्बा. ‘‘सन्थतसदिसं सन्थरित्वाति सदस’’न्ति पुब्बे वुत्तनिसीदनसन्थतत्ता उपमेति. लाभे सदसं, अलाभे अदसम्पि वट्टतीति एके, तं न युत्तं. ‘‘निसीदनं नाम सदसं वुच्चती’’ति तस्स सण्ठाननियमनतो.

निसीदनसिक्खापदवण्णना निट्ठिता.