८. कण्डुपटिच्छादिसिक्खापदवण्णना

५३९. यदि कण्डुपटिच्छादि नाम अधोनाभि उब्भजाणुमण्डला उप्पन्नकण्डुपीळकादिपटिच्छादिका अधिप्पेता, तस्स सुगतस्स सुगतविदत्थिया दीघसो चतस्सो विदत्थियो तिरियं द्वेति इदम्पि अतिमहन्तं पमाणं दिस्सति. सब्बो हि पुरिसो अत्तनो अत्तनो विदत्थिया सत्तविदत्थिको होति, सुगतस्स च एकाविदत्थि मज्झिमस्स पुरिसस्स तिस्सो विदत्थियो होन्ति, तस्मा कण्डुपटिच्छादि पकतिपुरिसस्स पमाणं आपज्जति तिरियं, दीघसो पन दिगुणं आपज्जतीति. आपज्जतु, उक्कट्ठपरिच्छेदो तस्सा, चे इच्छति, सब्बम्पि सरीरं पटिच्छादेस्सति, सब्बसरीरगतसङ्घाटि विय बहुगुणं कत्वा निवासेतुकामो निवासेस्सतीति अयं भगवतो अधिप्पायो सिया.

कण्डुपटिच्छादिसिक्खापदवण्णना निट्ठिता.