६. अस्सजिसुत्तवण्णना

८८. पस्सम्भित्वाति निरोधेत्वा. नो च स्वाहन्ति नो च सु अहं. परिहायि कुप्पधम्मत्ता. एतन्ति समाधिमत्तसारं, सीलमत्ते पन वत्तब्बमेव नत्थि. कथं होतीति कथं अभिनन्दना होति. दुक्खं पत्वाति दुक्खुप्पत्तिहेतु सुखं पत्थेति ‘‘एवं मे दुक्खपरिळाहो न भविस्सती’’ति. यदग्गेनाति येन भागेन. ‘‘दुक्खं पत्थेतियेवा’’ति वत्वा तत्थ कारणमाह ‘‘सुखविपरिणामेन ही’’तिआदि. सुखविपरिवत्ते सुखविपरिणामदुक्खं, तस्मा सुखं अभिनन्दन्तो अत्थतो दुक्खं अभिनन्दति नाम.

अस्सजिसुत्तवण्णना निट्ठिता.