४-६. गोमयपिण्डसुत्तादिवण्णना

९६-९८. सस्सतं सब्बकालं याव कप्पवुट्ठाना होन्तीति सस्सतियो, सिनेरुआदयो. ताहि समं समकालं. अनेनाति भगवता. नयिदन्ति एत्थ य-कारो पदसन्धिकरो, इदन्ति निपातपदं. तं पन येन येन सम्बन्धीयति, तं तिलिङ्गोव होतीति ‘‘अयं मग्गब्रह्मचरियवासो’’ति वुत्तं. ‘‘न पञ्ञायेय्या’’ति वत्वा तमत्थं विवरितुं ‘‘मग्गो ही’’तिआदि वुत्तं. विवट्टेन्तोति विनिवट्टेन्तो अप्पवत्तिं करोन्तो.

राजधानीति रञ्ञो निवासनगरं. सुत्तमयन्ति चित्तवण्णवट्टिकामयं.

गोमयपिण्डसुत्तादिवण्णना निट्ठिता.