२. पुप्फसुत्तवण्णना

९४. विवदतीति विवादं करोति. वदन्तोति अयथासभावेन वदन्तो. विवदति धम्मताय विरुद्धं कत्वा वदति. लोकधम्मोति लुज्जनसभावधम्मो. को पन सोति आह ‘‘खन्धपञ्चक’’न्ति. तेनाह ‘‘तं ही’’तिआदि. कथं करोमीति केन पकारेनाहं बालं अजानन्तं करोमि. तेनाह ‘‘मय्हं ही’’तिआदि. तथा चाह ‘‘अक्खातो वो मया मग्गो’’तिआदि (ध. प. २७५). ‘‘तयो लोका कथिता’’ति वत्वा तं विवरितुं ‘‘नाहं, भिक्खवे’’तिआदिमाह.

पुप्फसुत्तवण्णना निट्ठिता.