१०. अपनिधानसिक्खापदवण्णना

अधिट्ठानुपगन्ति अधिट्ठानयोग्गं अयोपत्तञ्चेव मत्तिकापत्तञ्च. सूकरन्तकं नाम कुञ्चिकाकोसो विय अन्तो सुसिरं कत्वा कोट्टितं.

अञ्ञं परिक्खारन्ति पाळिया अनागतपत्तत्थविकादिं. धम्मकथं कत्वाति ‘‘समणेन नाम अनिहितपरिक्खारेन भवितुं न वट्टती’’ति एवं ‘‘धम्मकथं कथेत्वा दस्सामी’’ति निक्खिपतो अनापत्ति.

अपनिधानसिक्खापदवण्णना निट्ठिता.

सुरापानवग्गो छट्ठो.