१०. सिरिमत्थेरगाथा

१५९. ‘‘परे च नं पसंसन्ति, अत्ता चे असमाहितो;

मोघं परे पसंसन्ति, अत्ता हि असमाहितो.

१६०. ‘‘परे च नं गरहन्ति, अत्ता चे सुसमाहितो;

मोघं परे गरहन्ति, अत्ता हि सुसमाहितो’’ति.

… सिरिमा थेरो….

वग्गो दुतियो निट्ठितो.

तस्सुद्दानं –

चुन्दो च जोतिदासो च, थेरो हेरञ्ञकानि च;

सोममित्तो सब्बमित्तो, कालो तिस्सो च किमिलो [किम्बिलो (सी. स्या. पी.), छन्दलक्खणानुलोमं];

नन्दो च सिरिमा चेव, दस थेरा महिद्धिकाति.