६. चतुब्यूहहारसम्पातो

६८. तत्थ कतमो चतुब्यूहो हारसम्पातो.

‘‘तस्मा रक्खितचित्तस्स, सम्मासङ्कप्पगोचरो’’ति गाथा. ‘‘तस्मा रक्खितचित्तस्सा’’ति रक्खितं परिपालीयतीति एसा निरुत्ति. इध भगवतो को अधिप्पायो? ये दुग्गतीहि परिमुच्चितुकामा भविस्सन्ति, ते धम्मचारिनो भविस्सन्तीति अयं एत्थ भगवतो अधिप्पायो. कोकालिको हि सारिपुत्तमोग्गल्लानेसु थेरेसु चित्तं पदोसयित्वा महापदुमनिरये उपपन्नो. भगवा च सतिआरक्खेन चेतसा समन्नागतो, सुत्तम्हि वुत्तं ‘‘सतिया चित्तं रक्खितब्ब’’न्ति.

नियुत्तो चतुब्यूहो हारसम्पातो.