७. आवट्टहारसम्पातो

६९. तत्थ कतमो आवट्टो हारसम्पातो?

‘‘तस्मा रक्खितचित्तस्स, सम्मासङ्कप्पगोचरो’’ति गाथा. ‘‘तस्मा रक्खितचित्तस्स, सम्मासङ्कप्पगोचरो’’ति समथो [अयं समथो (सी. क.)]. ‘‘सम्मादिट्ठिपुरेक्खारो’’ति विपस्सना. ‘‘ञत्वान उदयब्बय’’न्ति दुक्खपरिञ्ञा. ‘‘थिनमिद्धाभिभू भिक्खू’’ति समुदयपहानं. ‘‘सब्बा दुग्गतियो जहे’’ति निरोधो [अयं निरोधो (सी. क.)]. इमानि चत्तारि सच्चानि.

नियुत्तो आवट्टो हारसम्पातो.